राजधानीमै जुट्छौ, कस्तो मज्जाले

परिश्रम लुट्छौ, कस्तो मज्जाले
आदर्शबाद चुट्छौ, कस्तो मज्जाले

जिम्मेवारी पूर्ण छ, बोलीमा तिम्रो
ब्यबहारमा छुट्छौ, कस्तो मज्जाले

पूर्वबाट दुईजना, पश्चिमबाट दुईजना
राजधानीमै जुट्छौ, कस्तो मज्जाले

अचम्म छ, ए ! डाक्टर ए ! बैद्धहरु
बिरामी जो भुट्छौ, कस्तो मज्जाले

दाई-भाई फूट्ने नियम पुरानै हो ...
दिदी-बहिनी फूट्छौ, कस्तो मज्जाले

बि.सी. भुपेन्द्र
कोहलपुर-बाँके